Dehydration – ‘या’ पदार्थांमुळेही होऊ शकते डिहायड्रेशन
शरीरात पाणी कमी झाल्यास ‘डिहायड्रेशन‘ची Dehydration समस्या निर्माण होते. शरीर निरोगी राखण्यासाठी भरपूर पाणी पिण्याचा सल्ला दिला जातो. पाणी आपल्या शरीरातील विषारी घटक बाहेर टाकण्यास मदत होते. उन्हाळ्यात डिहायड्रेशनची समस्या अधिक तीव्र होते. तर, पावसाळ्यात अनेक जणांकडून पाणी कमी प्यायले जाते. त्यामुळे अनेक आजारांचा सामना करावा लागू शकतो. ‘हायड्रेट‘ राहण्यासाठी फक्त पाणी पिणेच गरजेचे नाही तर रोजच्या आहारावरही लक्ष देणे गरजेचे आहे. अनेकदा वेळी अवेळी किंवा चुकीचे खाद्यपदार्थ खाल्ल्याने शरीरात पाण्याची मात्रा कमी होऊ शकते. शरीरात पाणी कमी झाल्यास सतत तहान लागणे, लघवीचा रंग गडद पिवळा असणे, लघवीला तीव्र दुर्गंध येणे, लघवीची वारंवारता घटणे, चक्कर येणे, थकवा जाणवणे, तोंड, ओठ किंवा जीभ सतत सुकणे आणि डोळ्यांची जळजळ अशी लक्षणे जाणवतात. फक्त पाणी कमी प्यायल्यामुळेच नाही तर काही खाद्यपदार्थांनाही शरीरातील पाण्याची मात्रा खालावते, असे तज्ज्ञांचे म्हणणे आहे. जाणून घेऊया कोणते आहेत हे पदार्थ…
कॉफी :
अनेक जणांच्या दिवसाची सुरुवात कॉफीने होते. कॉफीमध्ये कॅफिन असते ज्यामुळे दिवसभराची ऊर्जा मिळते. मात्र, त्याचमुळे डिहायड्रेशनदेखील होऊ शकते. शरीरात कॅफिनची मात्रा अधिक झाल्यास ते मूत्रवर्धक म्हणून काम करते. ज्यामुळे तुमच्या शरीरात पाण्याची कमतरता जाणवते.
Weight loss-वजन कमी करण्यासाठी कॉफीचे फायदे , 100% good for fat burning
ग्रीन टी :
ग्रीन टी हे एक हेल्थ ड्रिंक म्हणून मानले जाते. कारण यात अँटिऑक्सिडंट आणि फ्लेवोनोइडची मात्रा अधिक असते. मात्र, यामुळेही तुम्हाला डिहायड्रेशन होऊ शकते. कॉफीप्रमाणेच ग्रीन टीमध्येही काही प्रमाणात कॅफिन असते. ज्यामुळे लघवीला जाण्याचे प्रमाण वाढवते. त्यामुळे शरीरात पाण्याची कमी जाणवू शकते. परिणामी, तुम्हाला थकवा आणि सुस्तावा जाणवेल.
प्रोटिन :
वजन कमी करण्यासाठी आणि ताकद वाढवण्यासाठी हायप्रोटिन पदार्थांचा आहारात समावेश करण्यात येतो. प्रोटिनचे शरीराला अनेक फायदे आहेत मात्र, डिहायड्रेशनचे एक कारणही प्रोटिन हेच आहे. प्रोटिन शरीरात नायट्रोजन निर्माण करते. त्यामुळे ते चयापचय प्रक्रियेसाठी अतिरिक्त पाणी वापरतात. यामुळे अनेकदा शरीरात द्रवपदार्थाचे असंतुलन होते.
Protein- शरीराला दररोज किती प्रोटीन ची गरज असते?
सोडा :
सोडा आणि बाटलीबंद ज्यूसमध्ये साखरेचे प्रमाण जास्त असते ज्याचा शरीरावर हायपरनेट्रेमिया प्रभाव असतो. याचा अर्थ, साखर पेशी आणि ऊतींमधून पाणी बाहेर काढते, ज्यामुळे शरीरातील द्रव पातळी कमी होते.
बीट :
बीटरूटमध्ये पोटॅशियमची मात्रा अधिक असते. ज्यात शरीरातील पदार्थ बाहेर काढून टाकण्याची क्षमता असते. त्यामुळे जर तुम्ही अतिप्रमाणात बीट खात असाल तर त्यामुळे तुमच्या शरीरावर नकारात्मक परिणाम होऊ शकतो.